العين الثالثة

الأحد 02 أكتوبر 2022م - 06 ربيع الأول 1444 هـ

" كان داخل المسجد يصلي وتوفي بطريقة بشعة" .. مصرية تنعي نجلها بكلمات تُبكي الحجر

عمار رحمه الله
نعت سيدة مصرية تدعى "سارة فريد" نجلها الشاب الذي توفي قبل لحظات من دخوله المسجد إثر سقوط شباك على رأسه .

وقالت السيدة في نعي نجلها: عمار حبيبي سبقنا للقاء الله…سنين عدت هوا ومشي في لحظة.. من يوم ولادته كل حاجه بتحصل بسرعة وسهلة .. اتولد في ربع ساعة لدرجة اني نزلت أجيب حاجة قالولي ولدت عكس الولادة اللي قبلها اللي قعدت يوم كامل تولد.

وأضافت: كل حاجة كان بيحبها منظمة .. بيخططلها..بيبذل أقصي ما في وسِعه فيها.. خلوق ومهذب وراجل يعتمد عليه…كان بيحضر ورقه ينقل كليه تانية ونجح بالتقدير اللي يأهله للنقل بعد سنة ثانوية عامة صعبة بذل فيها أقصي ما في وسعه.

وأضافت: حبيبي كان داخل المسجد يصلي الظهر خطوة واحدة وأصابه شباك واقع من الدور الثاني.. لحظات وفارق الحياة …دمه علي سلالم المسجد اللي بيصلي فيه إمام .

وأردفت: كل حاجة فيك حلوة الحمد لله ..كل تفاصيلك جميلة وهادية وكلها ونس.. هدية ربنا أنعم علينا بيها…وإستردها بأحلى ختام وهو رايح يقابلك في بيتك.. اللهم لك الحمد علي ماأنعمت علينا بصحبته السنين ده والحمد لله علي كل اختياراتك له .. اللهم تقبله عندك من الشهداء ..وأجعله أحلي لقاء
يارب ثبته عند الشهادة وأجعلها أسعد ليلة ومن وراها نعيم مقيم واطمئنان وسكينه.. وكما غمرتنا بلطفك وعطائك اربط علي قلوبنا والحمد لله كثيرا مباركا ملء السموات وملء الأرض وملىء ما بينهما.. الحمد لله.

إقرأ ايضا